Në kuadër të Javës së Nivelit të Lartë të Sesionit të 80-të të Asamblesë së Përgjithshme të OKB-së, Ministrja për Europën dhe Punët e Jashtme, Elisa Spiropali, zhvilloi një takim me Richard Grenell. Grenell mban detyrën e Emisar Special të Presidentit Trump për Misionet e Posaçme dhe Drejtor Ekzekutiv në detyrë i “John F. Kennedy Center for the Performing Arts” në Washington D.C.
Në këtë takim, ku morën pjesë gjithashtu Presidenti Bajram Begaj dhe ministrat e jashtëm të rajonit, Ministrja Spiropali theksoi se: “Fuqizimi i marrëdhënieve mbetet një prioritet kryesor për Qeverinë e Shqipërisë, teksa vazhdojmë të punojmë së bashku për thellimin e bashkëpunimit ekonomik.”
Më tej, Spiropali cilësoi se gjatë takimit u rikonfirmua aleanca e palëkundur e Shqipërisë me Shtetet e Bashkuara, duke e konsideruar këtë si objektivin kryesor strategjik të vendit.
