Edoardo Sarchi, sipërmarrësi italian që humbi jetën pas një atentati me armë zjarri në Salari të Tepelenës, rezulton të ketë qenë pronar i një fabrike tullash në kryeqytet.
Sipas informacioneve të bëra publike, viktima po udhëtonte me disa persona të tjerë kur një individ i armatosur është shfaqur papritur para automjetit dhe ka hapur zjarr drejt tyre.
Menjëherë pas sulmit, drejtuesi i mjetit ka vijuar udhëtimin me shpejtësi.
Ngjarja e rëndë ka ndodhur rreth orës 00:30, në fshatin Salari, në një zonë të njohur si “Dilan”.
Si pasojë e hetimeve të para, disa persona janë shoqëruar në ambientet e policisë. Ndërkohë, një person me iniciale G. B. është shpallur në kërkim si autori i dyshuar i këtij krimi.