Këshilli i Ministrave ka marrë sot vendimin për shkarkimin nga detyra të kryebashkiakut të Tiranës, Erion Veliajt. Zoti Veliaj ndodhet në qeli që prej shkurtit të këtij viti, duke u përballur me akuza për korrupsion dhe pastrim parash.
Një detaj i rëndësishëm i këtij vendimi është fakti se ai është firmosur personalisht nga Kryeministri Edi Rama. Ky veprim bie në kontrast me rastet e mëparshme, ku vendimet qeveritare janë zakonisht nënshkruar nga zëvendëskryeministrja në mungesë të kryeministrit.
Vendimi për shkarkimin është marrë pas një propozimi nga Këshilli Bashkiak i Tiranës, i cili më 23 shtator 2025 miratoi në mënyrë unanime largimin e zotit Veliaj nga posti.
Ky vendim i Këshillit të Ministrave thuhet se:
- V E N D I M PËR SHKARKIMIN NGA DETYRA TË KRYETARIT TË BASHKISË TIRANË, Z. ERION VELIAJ
- Mbështetet në nenin 100 të Kushtetutës dhe në shkronjën “c”, të nenit 62, të ligjit nr.139/2015, “Për vetëqeverisjen vendore”, të ndryshuar.
- Është marrë me propozimin e ministrit të Shtetit për Pushtetin Vendor.
- Përcakton se: Z.Erion Veliaj, kryetar i Bashkisë Tiranë, shkarkohet nga kjo detyrë, me propozimin e Këshillit Bashkiak Tiranë, miratuar me vendimin nr.69, datë 23.9.2025.
- Ky vendim hyn në fuqi pas botimit në “Fletoren zyrtare”.
- Firmosur nga: KRYEMINISTRI EDI RAMA.
Në të njëjtën mbledhje, Këshilli i Ministrave ka miratuar edhe ndryshime të tjera në nivelet drejtuese të disa institucioneve, duke përfshirë emërime dhe lirime nga detyra të zëvendësministrave.
Në kuadër të këtyre ndryshimeve:
- Edona Bilali është emëruar zëvendësministër i Infrastrukturës dhe Energjisë.
- Silva Caka është emëruar zëvendësministër i Punëve të Brendshme.
- Eugena Tomini është emëruar zëvendësministër i Shëndetësisë dhe Mirëqenies Sociale.
Gjithashtu, dy figura aktuale janë liruar nga detyra:
- Andi Mahila, zëvendësministër i Brendshëm, është liruar nga detyra.
- Mira Kapisyzi, zëvendësministre në Ministrinë e Shëndetësisë, gjithashtu është liruar nga detyra.
Vendimet e mëposhtme janë miratuar:
VENDIM PËR EMËRIM NË DETYRË
Mbështetur në nenin 100 të Kushtetutës dhe pikën 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI:
- Znj. Silva Caka emërohet zëvendësministër i Punëve të Brendshme. Ky vendim hyn në fuqi menjëherë dhe botohet në “Fletoren zyrtare”.
- Firmosur nga: KRYEMINISTRI EDI RAMA.
VENDIM PËR EMËRIM NË DETYRË
Mbështetur në nenin 100 të Kushtetutës dhe pikën 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI:
- Znj. Edona Bilali emërohet zëvendësministër i Infrastrukturës dhe Energjisë. Ky vendim hyn në fuqi menjëherë dhe botohet në “Fletoren zyrtare”.
- Firmosur nga: KRYEMINISTRI EDI RAMA.
VENDIM PËR EMËRIM NË DETYRË
Mbështetur në nenin 100 të Kushtetutës dhe pikën 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI:
- Znj. Eugena Tomini emërohet zëvendësministër i Shëndetësisë dhe Mirëqenies Sociale. Ky vendim hyn në fuqi menjëherë dhe botohet në “Fletoren zyrtare”.
- Firmosur nga: KRYEMINISTRI EDI RAMA.
VENDIM PËR LIRIM NGA DETYRA
Mbështetur në nenin 100 të Kushtetutës dhe pikën 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI:
- Z. Andi Mahila, zëvendësministër i Brendshëm, lirohet nga kjo detyrë. Ky vendim hyn në fuqi menjëherë dhe botohet në “Fletoren zyrtare”.
- Firmosur nga: KRYEMINISTRI EDI RAMA.
VENDIM PËR LIRIM NGA DETYRA
Mbështetur në nenin 100 të Kushtetutës dhe pikën 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI:
- Znj. Mira Kapisyzi, zëvendësministër i Shëndetësisë dhe Mbrojtjes Sociale, lirohet nga kjo detyrë. Ky vendim hyn në fuqi menjëherë dhe botohet në “Fletoren zyrtare”.
- Firmosur nga: KRYEMINISTRI EDI RAMA.
