Tag: Këshilli

Në një kohë kur gjuha shqipe përballet me sfida të shumta në emigracion, roli i mësuesve dhe organizatave arsimore bëhet më jetik se kurrë. Sot kemi kënaqësinë të prezantojmë një bisedë të veçantë me Klarita Selmanin, kryetaren e Lidhjes së Mësuesve në Greqi, një figurë që prej vitesh qëndron në vijë aktive. Në këtë intervistë, Selmani ndan me ne rrëfime për sfidat e përditshme që përballen mësuesit e gjuhës shqipe në emigracion, sakrificat që kërkon ky mision i thellë qytetar dhe vështirësitë strukturore që shoqërojnë punën e tyre. Por njëkohësisht, ajo na përcjell edhe një mesazh shprese, frymëzimi dhe angazhimi të palëkundur për të ardhmen e gjuhës shqipe në diasporë. Interesi ynë qytetar mbi këtë çështje, sot më shumë se kurrë, na shtyn të reflektojmë mbi përgjegjësitë e përbashkëta që kemi si komunitet. Përmes kësaj interviste, synojmë të nxisim një diskutim më të gjerë mbi rëndësinë e mbështetjes së arsimit shqip jashtë atdheut, dhe të hedhim dritë mbi punën e çmuar të atyre që, larg vendlindjes, vazhdojnë të mbajnë gjallë gjuhën tonë. Na kontaktoni në: 📧 albaniatvgreece@gmail.com 📞 +30 690 754 1526 📞 +30 699 381 4485