Ish-deputetja Monika Kryemadhi ka deklaruar se ish-Presidenti Ilir Meta nuk ishte i pranishëm në seancën paraprake pranë Gjykatës së Posaçme të Korrupsionit dhe Krimit të Organizuar (GJKKO).
Gjithashtu, Kryemadhi theksoi se as nëna e saj, Fatime Kryemadhi, nuk ishte e pranishme në këtë seancë.
“Nuk ishte i pranishëm ish-Presidenti Meta, ishin të gjithë të tjerët, edhe mamaja ime nuk ishte”, tha Kryemadhi pas shtyrjes së seancës.
Ajo zbuloi se arsyeja kryesore e shtyrjes së seancës ndaj saj, Ilir Metës, dhe të pandehurve të tjerë ishte mungesa e avokatit të ish-Presidentit. Avokati i Ilir Metës i është nënshtruar një ndërhyrjeje mjekësore jashtë vendit.