Dy turistë britanikë kanë përjetuar një fat të jashtëzakonshëm, duke i shpëtuar për mrekulli një aksidenti në mbikalimin e urës së Dajlanit, në Durrës.
Ngjarja e rëndë ka ndodhur rreth orës 04:00 të mëngjesit të sotëm. Automjeti i tyre, pas një përplasjeje të fortë, është shkatërruar plotësisht.
Nga hetimet paraprake dhe pamjet e siguruara, mësohet se mjeti është përplasur fuqishëm me barrierat e vendosura mbi urë. Për fat të mirë, barrierat kanë vepruar si ndalesë, duke parandaluar një rënie të mundshme nga ura, e cila do të kishte qenë fatale.
Dyshohet se shkaqet e mundshme të aksidentit mund të jenë qenia e turistëve në gjumë ose mungesa e ndriçimit në zonën e rrugës, të cilat kanë sjellë si pasojë humbjen e kontrollit të mjetit.
Automjeti ka pësuar dëme të konsiderueshme. Ndërkohë, zjarrfikësit kanë punuar për rreth 2 orë për të bërë të mundur rregullimin e rrugës dhe rivendosjen e qarkullimit normal për automjetet.
